കൊല്ലികുറവൻ

kollikuravan

മുകളിലേക്ക് നീന്തി എത്തിയപ്പോഴേക്കും അശോകൻ കിതച്ചിരുന്നു . വള്ളത്തിന്റെ അരികിൽ പിടിച്ചു വിളിച്ചു പറഞ്ഞു .

സാറെ അവിടെ എന്തോ ഉണ്ട് , രണ്ടു പേര് കൂടിവേണം , എന്നെകൊണ്ട് ഒറ്റയ്ക്ക് പറ്റില്ല“.

അടുത്ത് നിന്ന വള്ളത്തിൽ നിന്ന് രണ്ടു പേർ പുഴയിലേക്ക് ചാടി. അവർ അശോകൻ കാട്ടിയ ദിശയിലേക്കു ഊളിയിട്ടു . ഒരു മിനിറ്റിനകം അവർ ശരീരവുമായി പൊങ്ങി , വള്ളത്തിൽ നിന്ന ഫയർ ഫോഴ്സ് കാർ അത് വാങ്ങി.

ഇതുതന്നെ , മുടിയനായിട്ടു , ഏതായാലും കിട്ടിയല്ലോ മെസ്സേജ് കൊടുത്തേക്കു

അശോകൻ അടുത്ത് കിടന്ന വള്ളത്തിലേക്ക് കയറി മലന്നു കിടന്നു . മഴയത്തു ഇത്രയും തവണ മുങ്ങിയതിന്റെ ക്ഷീണം മുഖത്ത് കാണാമായിരുന്നു .

സതീഷേ, തുരുത്തേലേക്കു വിട്ടോ , രണ്ടെണം അടിക്കണം

ശാന്തേടത്തി ?”

നീ വിളിച്ചു പറ,രാത്രിക്ക് വരൂ എന്ന്

അവർ ഷാപ്പിലെത്തിയപ്പോളേക്കും മഴ മാറിയിട്ടുണ്ടായിരുന്നു. ഒഴിഞ്ഞ ഒരു കൂടാരത്തിലേക്കു കയറി, അശോകൻ നനഞ്ഞ വസ്ത്രങ്ങൾ മാറ്റി. അപ്പോളേക്കും ഫോൺ അടിക്കാൻ തുടങ്ങി , കോൺസ്റ്റബിൾ ഉമേഷ് ആണ് .

…. ഇനി എന്താണോ ?”

ഡാ അശോകാ , നീ ബോഡി തപ്പി തന്നിട്ട് എവിടെ പോയി , ചെക്കന്റെ വീട്ടുകാര് കുറച്ചു പൈസ തന്നിട്ടുണ്ട് , നിന്റെ വക എത്രയാ എന്നാ വാങ്ങി പൊക്കോ

ഒന്നും വേണ്ട സാറെ.. ഞാൻ പണി നിർത്തി പൈസ ഒന്നും ശെരിയാകത്തില്ലാ

നിനക്ക് വേണ്ടൽ വേണ്ട , അത് എങ്ങനാ കിടന്നേന്നു പറ , ഇവിടെ എഴുതി ചേര്ക്കാനാ

അറിയില്ല സാറെ , ഏതോ കാട്ട് വള്ളിപോലെ കാലെ കണ്ടു

മതി മതി കൂടുതൽ പറഞ്ഞു നീ പുകിലാക്കണ്ട , ബാക്കി ഞാൻ നോക്കിക്കോളാം .. ഇല്ലേ പിന്നേം പണിയാകും

അശോകൻ ഫോൺ കട്ട് ചെയ്തു വിളിച്ചു പറഞ്ഞു

ഡാ , കള്ളിനൊപ്പം ഒരു കപ്പേം ചാളക്കറീം , പിന്നെ ഒരു പന്നി ഉലത്തിയതും

#####################################################

സന്ധ്യ കഴിഞ്ഞാണ്അശോകൻ വീട്ടിൽ എത്തിയത്. സാധാരണ രീതിയിൽ കിണറ്റിൽ നിന്നും വെള്ളം കോരി സോപ്പ് തേച്ചു കുളിച്ചു . അയയിൽ നിന്നും വസ്ത്രം മാറി വരാന്തയിലെ കസേരയിൽ ഇരുന്ന് പേപ്പർ എടുത്തു നിവർത്തി .

എന്തേലും കഴിച്ചായിരുന്നോ , കട്ടൻ ഇടട്ടെശാന്ത വാതിൽ പടിയിൽ നിന്ന് ചോദിച്ചു ..

വേണ്ട , സൗമ്യ എന്തിയെ ?”

അവള് മുറിയിൽ ഉണ്ട് , ഞാൻ വിളിക്കാം

ശാന്ത വിളിക്കുന്നതിന്മുൻപ് തന്നെ സൗമ്യ വാതിക്കലേക്കു എത്തി , അവളുടെ കരഞ്ഞു തളർന്ന മുഖം കൈയിലേക്ക് എടുത്തു അശോകൻ കവിളിൽ തലോടി. പേപ്പറിലെ ന്യൂസ് കാണിച്ചു പറഞ്ഞു .

നീയൊന്നു വായിക്ക്‌”

മഴ കെടുതിയിൽ കനത്ത നാശം , ഒരാളെ കാണാതായി

കോട്ടയം : ജില്ലയിൽ മഴക്കെടുതിയിൽ കനത്ത നാശം , ഒരു കോളേജ് വിദ്യാർത്ഥിയെ കാണാതായി , പോലീസും ദ്രുത കർമ്മ സേനയും കാണാതായ

മതി , ഇത് ഇന്നത്തെ പേപ്പർ ആണ് , നാള ത്തെ ന്യൂസ് അറിയാമല്ലോ . ഇതാണ് സത്യം , ഇത് മാത്രം . രണ്ടുപേരോടും കൂടിയാപറഞ്ഞെ . ശാന്തേ നീ പോയി കുറച്ചു ഉപ്പും മുളകും ഒരു ചിരട്ടയിൽ കൊണ്ടുവാ

ശാന്ത കൊണ്ടുവന്ന ചിരട്ട എന്തൊക്കെയോ ചൊല്ലി സൗമയക്കും ചുറ്റും മൂന്നുവട്ടം ഉഴിഞ്ഞു .. അയാളുടെ കണ്ണുകൾ രണ്ടും ചുവന്നു വരുന്നത് അവർ കണ്ടു.

നല്ല കൊതി കിട്ടിയിട്ടുണ്ട് എന്റെ മോൾക്ക് എല്ലാം ഞാൻ മാറ്റിത്തരാം. അകത്തോട്ടു പൊക്കോ രണ്ടുപേരും

അശോകൻ ഇറയത്തു തൂക്കിയിരുന്ന ഭസ്മപാത്രത്തിൽ നിന്നും ഒരു ഫോൺ എടുത്തു ചിരട്ടയിൽ വച്ചു. കത്തികൊണ്ടിരുന്ന നിലവിളക്കിൽ നിന്നും അല്പം എണ്ണ ചിരട്ടയിലേക്ക് പകർന്നു, എല്ലാം കൂടി പേപ്പറിൽ പൊതിഞ്ഞെടുത്തു വെളിയിലേക്കിറങ്ങി .

പൊതികെട്ടു മുറ്റത്തിരുന്ന പാത്രത്തിൽ ഇട്ടു തീ പകർന്നു .. വറ്റൽ മുളകിന്റെ മണം അന്തരീക്ഷത്തിൽ നിറയാൻ തുടങ്ങിയപ്പോൾ അശോകൻ ഉടുമുണ്ടഴിച്ചു ആകാശത്തിലേക്കു നോക്കി. അപ്പോൾ , തെക്കു വശത്തെ പാലമരത്തിൽ ഇരുന്നു രണ്ടു ദിവസമായി കരഞ്ഞു കൊണ്ടിരുന്ന കൊല്ലി കുറവൻ ദൂരേക്ക് പറന്നു പോയി .

 

—–പീയാർ

2 thoughts on “കൊല്ലികുറവൻ

  1. ഇതിനെ പിടിച്ചു വിൽക്കുന്നവർ ഈ സമൂഹത്തിൽ നിന്നും ഒഴിച്ച് പോകേണ്ട വർ തന്നെ ആണ്. യന്ത് കഷ്ട്ടം ആണ് മനുഷ്യരുടെ പണംത്തിന് വേണ്ടി യുള്ള ആർത്തി…

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s